Вулканизерски услуги

Балансирање на тркало

На тркалото како и на сите други тела кои се вртат, дејствува центрифугална сила. Доколку тркалото не е избалансирано, се јавува дебаланс кој се манифестира со вибрација на воланот или на целото возило и тоа на брзини поголеми од 70 км/ч. Балансирањето претставува постапка со која се врши урамнотежување на сите маси на тркалото. Тоа се прави со додавање на тегови на точно одредено место на сите четири тркала бидејќи дебалансот од задното тркало се пренесуво до воланот и возилото. Доколку балансирањето не се направи навремено, гумите ќе се трошат побрзо и понерамномерно, ќе страдаат лежиштата (лагерите), амортизерите, и другите елементи од подвозјето. Затоа гумите се балансираат при секое вадење и ставање повторно на фелна. Во некои случаи вибрацијата се јавува како последица на крива фелна или гума и тоа најчесто се чувствува на помали брзини и потоа постепено се губи. Во нашиот сервис може да се балансираат тркала за сите видови моторни возила со големина на фелна до 22”, како и специфичните ( “слепи’’ ) фелни без средишен отвор.